Ndèye Khady Ndiaye affirme avoir rencontré Ousmane Sonko et obtenu son pardon
Ndèye Khady Ndiaye affirme avoir rencontré Ousmane Sonko et obtenu son pardon

Ndèye Khady Ndiaye hollii wonde o hawrii e Ousmane Sonko, tee o heɓii yaafuye mum

KabaruujiBayyinaama ñalnde 27/10/2026 - 13:28ko Aissata BA1 yiyanndealaa miijoJaŋngu ndee binndol e Faransiire

Ndèye Khady Ndiaye, jeynooɗo salon Sweet Beauté, artii e kabaruuji reseauji sosiyo. E video mo o siirtini e TikTok ñalawma 26 octobre 2026, o hollii wonde o artiima Senegaal, o hawrii e Ousmane Sonko, tee o ɗaɓɓitii yaafuye mum. Ɗee haalaaji ngarii caggal nde o waɗi deklarasioŋaji ceertuɗi e dossier Adji Sarr.

Ɗaɓɓitgol yaafuye e Ousmane Sonko

E video mum keso, Ndèye Khady Ndiaye hollii wonde o hawrii e hooreejo Pastef, tee o jiccii yeeso mum ngam ɗaɓɓitde yaafuye.

E ko o wi'i, Ousmane Sonko jaɓii yaafuye mum e yeeso seedeeɓe keewɓe, tee o hokkii mo wasiyaaji.

O ɗaɓɓitii kadi yaafuye e Alla, e Senegaalɓe e yumma mum, tawa o jaɓii wonde o waɗinoo haalaaji ɗi o regrettata hannde.

Baylugol kesol e haalaaji mum

Ñalawma 21 août 2026, e sahaa direct TikTok mo o waɗi e Adji Sarr, mo gollatnoo e salon mum, Ndèye Khady Ndiaye hollinoo wonde o fewnoo e sahaa ƴeewtagol sara'a e hitaande 2021 ngam reenude Ousmane Sonko.

O yeddinoo kadi hooreejo politik oo, tawa o tuumii mo e ŋakkere yettugol ballal mo o hokkunoo mo.

Kono, e haala mum sakkitiinde, o hollii yiɗde mum ngam timminde ndee haala e artude e jam.

O wi'i kadi wonde o yiɗi yaltude e Senegaal tawa ɓernde mum heɓii jam caggal ɗaɓɓitgol yaafuye.

Hawrugol ngal tabitinaaka tawo

Ndee deklarasioŋ kesere umminii haalaaji keewɗi e reseauji sosiyo. Kono, haa jooni, Ousmane Sonko walla ɓadiiɓe mum tabitinaani e peñcu wonde hawrugol ngal waɗii e yaafuye nde Ndèye Khady Ndiaye haalti heɓaama.

Fouta TV - L'information au service des citoyens.

Miijooji (0)

Alaa miijo jooni. Won adotooɗo jaabaade.

Miijooji ɗii ko ɓe winndi ɗi ɓe njogii ɗi. Miijooji tergal seŋaaɗo ina feeñ ɗoon e ɗoon ; goo ɗi ina tiiɗnee fedde winndooɓe hade ɗi bayyineede.

Binndi nannduɗi