Diine
1 binndol e ndee fannu · Foutatv.com, kabaruuji Fuuta e Senegaal
Kabaruuji mawɗi - Diine
Binndi fof - Diine

Hajj 2027 : Délégation au Pèlerinage reentincii yimɓe e dow ajansaji ɗi laamu yamiraani ngam toppitaade Hajj, tee hollii wonde ɗiin ajansaji ena mbaawi ɓennineede e yeeso sara'a.
Hajj 2027 : Délégation Générale au Pèlerinage reentincii waɗooɓe Hajj e dow ajansaji ɗi njogaani yamiroore laamu Délégation Générale au Pèlerinage (DGP) waɗii reentinol tiiɗngol e dow yimɓe ɓe ngoni e heblaade yahde Hajj 2027, ngam ziyaara e nokkuuje ceniiɗe diina Lislaam e Arabie Saoudite. E nder komunike resmi mo o siiwti, DGP hollii sokla mum mawɗo caggal nde o yi'i wonde ajansaji njulaagu keeriɗi, ɗi njogaani yamiroore laamu ngam toppitaade Hajj 2027, ngoni e siiwtaade reklamaaji ɗi njahdaani e laawol. Ɗee ajansaji ngoni e huutoraade laylaytol internet e mediaaji, ngam heɓde yimɓe ɓe ngiɗi yahde Hajj. DGP reentincii yimɓe fof ɓe ngoni e heblaade ndee ziyaara, ngam ɓe hakkilina no feewi e ɗee reklamaaji, tee ɓe ƴeewta so ajansaji ɗi ɓe ngiɗi huutoraade ena njogii yamiroore resmi laamu. Faandaare ndee reentinol ko reenude waɗooɓe Hajj e haɗde ɓe naatde e caɗeele sabu ajansaji ɗi yamiraaka.

